Hawaii•Orlando•New York ❤️ Honeymoon ❤️ Day 3

今日一早就要出發前往Honolulu必去景點，恐龍灣 (Hanauma Bay)~

繼續渴睡既couple當然又係呼喚Uber先生泥運載我地啦😅

一去到，就要上一個簡短既briefing, 簽個名代表明白知悉點樣喺水中活動時而減少傷害大自然既海中生物～

第一次著蛙鞋，喺陸上行走真係就快P喺到咁制😂 落到水入面，因為時間尚早，D水真係好凍😰 要適應完畢先可以開始游出去浮潛～

出發前一早已經喺淘寶買左既潛水用具，發現原來喺到租都係差唔多價錢，真係可怒也（因為最後行李overload又要加錢😫）

都算啦，最嬲既係我個潛水mask有輕微滲水既跡象，加上游出去勁大浪，真係好幾次都好驚自己個鼻會入水，真係驚恐鳥😰

後記: 一向都唔特別怕玩水上活動既我，好在今次有老公一路無論水陸都執子之手，咁先可以安安全全咁玩個浮潛🙈 但好可惜，一路游出去見到既珊瑚，魚魚/景色們，因為張SD card壞左，番到泥咩都無晒 ORZ

難得有張相要post 下先，但有D太肉麻，都係整細D先😂🙈

放完電，要食番餐正既補充力量，坐Uber番到Waikiki Kalakaua Avenue到搵食，周圍行發現到出名食steak既呢間Wolfgang’s Steakhouse，當然就順道入去試下啦～

一入到去，10檯入面literally 有9檯都係韓國既couple，睇泥Hawaii除左日本人多，居其二多既亞洲人應該會係韓國人😅

見到好多couples 檯上既steak都只係正常樣，所以我地反而order左其他lunch sets~

Fish & Chips始終都係英國好味, lobster roll就令人喜出望外D~

食完又到酒店附近既mall到閒逛, 發現原來Hollister同A&F同香港既價錢都係差不多~
所以無咩收穫之後就番左酒店休息, 之後就執野落去威基基海灘曬太陽午睡去~^^

一踏入威基基海灘，真心感到到咩係chill~

水清沙幼，live music band, 一望無際既海，毫無阻擋既夕陽無限好…..

多謝您，威基基，因為你令我地感受到人生原來可以咁悠閒咁美好，令我地呢個honeymoon留下一個咁正既moment ❤️

享受完美好浪漫既時光，又係醫肚既時間啦😁

上次因為食正餐食得太飽，只可以試得一件芝士蛋糕，所以呢晚我地再次encore左Cheesecake Factory~

不過因為今次晏左去食，所以要等大概30分鐘既時間呢🤔

今次亦係叫左shakes, 不過試埋夏威夷出名既loco mock, overall呢間餐廳既主食都幾不錯呢👍🏻

蛋糕唔就唔記得左影相，只記得好甜，兼且又好飽😅 所以2個人（亞洲情侶正常分量既話），如果想食2件蛋糕就建議唔好叫2份主食啦🙈

埋單加埋服務費之類大概USD70 (~HKD550), 美國既物價 （出外食的話）都真係貴過香港幾多～

 

Hawaii•Orlando•New York ❤️ Honeymoon ❤️ Day 2

訓飽飽出發的一天，先去左試下當地既McDonald’s (去每個地方試下當地McDonald’s 呢個經驗真係好有趣，因為每個地方真係會有幾唔一樣既東西）

喺夏威夷，發現原來早餐係有飯既套餐（大概因為好附日本人定居/旅遊既原因），仲要有菠蘿做餐後果的, amazing!

由於行程頭4日去既大多係交通較方便/景點類既地方，加上Waikiki泊車費較高昂既關係。我地決定依靠Uber😁

第一個景點係，Pearl Harbour (珍珠港)，為此我前一晚頂住眼訓都睇左呢套電影既一半😅 不過睇左電影再去既感覺係的確更好既👍🏻

除左睇到戰艦們，仲可以登上艦上面影相，什至行入去參觀，見到好多當時船員們既居住/工作環境同物件，得知佢地當時其實好多都只係20歲左右既年輕人，心入面有一種好接近既感覺（從來我都係比較對歷史疏離既朋友），真係由衷地爲而家我地能夠生活喺一個sort of 世界和平既地區而感恩…同時亦希望現時仲有戰亂既地方早日得到平息。

參觀完畢，又再呼召左Uber先生接載，去到Waikele outlet～

其實起初只打算閒晃2-3小時，仲打算買定回程既shuttle車票番Waikiki district （因為車票數量同時間都有限制，而比Uber既價錢係平一半），但好彩我既另一半對我了解都頗有深度，覺得比錢買個自由度決定逗留幾耐會比較好，到最後當然係行到天黑啦😅

Outlet入面美國牌子真係好抵, 勁買左Coach, Kate Spade同Tommy~

一袋二袋，辛苦晒啦老公☺️

戰鬥完，番到Waikiki district 又再散步去醫肚～

今次去左好多人都推薦既Teddy’s bigger burger~ 份量的確充足，但味道又唔覺得特別驚喜～

Hawaii•Orlando•New York ❤️ Honeymoon ❤️ Day 1

經過1年又11個月既籌備同等待, 婚禮終於大功告成!
新手人妻表示十分高興, 可以同我的可愛先生一齊踏出我地第一個婚後既足跡 – 美國之19天好眼訓之旅~

喺3日前完成婚禮加上搬新家而導致一直未補足所需既適量(或大量?)睡眠既因素下,
我地一對渴睡couple完全無任何睡眠困難地搭左中午喺香港起飛大韓韓空既KE614, 喺首爾停留左約2個鐘再轉KE53前往夏威夷, 因為時差關係, 飛完全日到達Honolulu (HNL)都只係出發同日既早上10:50~

到埗之後發現之前預約好既shuttle bus service已經有職員迎接我地上車~

大約30分鐘左右就到達我地既hotel~
房間同之前hotels.com睇既一樣, 大小同整潔度都好滿意~
仲要有個平台just for us, so nice 🙂

Simply Hawaii 🙂

Awww! Can’t help loving this!!!

酒店既地理位置相當不錯，旺中帶靜，旁邊有大排長忘既丸龜製麵，後面一條街已經係威基基(Waikiki)海灘鄰近最熱鬧既街道, Kalakaua Ave，shopping malls / mart (e.g. DFS, Ross etc.) , 唔同type既 chain stores (e.g. H&M, Kate spade, LV…) 應有盡有~

閒逛過後，我地就先去到訪傳說中超美味既Cheescake factory食個early diner~ 時間雖然尚早，但已經有幾堆人排隊等位～好在我地得左只係5-10分鐘已經可以入座～

開開心心order左2杯shakes, 一份頭盤炸魷魚 (超好味，回港後忍不住已encore LOL),一份pasta, 一份sandwich, 其實已經捧住個肚既情況底下再order呢餐既重點, CHEESECAKE~~~

食飽飽後，我地就散步（都散左成30-45分鐘)咁行去Ala Moana再行街街~

唔知係咪店鋪9:00就會關門既原以因，去到個商場都幾冷清，又可能因為時差關係，我地既渴睡症又發作了😴 所以最後我只係喺Macy’s買左一件Tommy Hilfiger既top (USD21 only😍) 加埋到埗後壞左既iPhone cable 就搭左Waikiki Trolley番酒店休息了 ZzzZzz